Este é un dos dólmenes míticos de Galicia, xa coñecido polos arqueólogos do século XIX, é estudado polo matrimonio Leisner en 1933.
Situado en medio dunha extensa plantación de eucaliptos na parroquia de Muiño (Zas), atópase en bo estado de conservación. Mantén catro dos cinco ortostatos da súa cámara poligonal, e un corredor curto con só un tramo visible, así como as losas da cuberta tanto da cámara como do corredor.
O poeta Eduardo Pondal sitúa aquí a tumba do guerreiro celta Brandomil.
