En 1847 decídese pola Comisión de Faros a colocación dun punto de iluminación que facilitase a entrada na ría de Corcubión. A situación elixida foi o chamado Cabo Cee.
O faro iluminouse por primeira vez o 31 de xullo de 1860. Despois de varias melloras, en 1934 automatizouse.
O edificio é de planta cadrada, con cuberta a catro augas, elevado sobre unha plataforma de pedra. A linterna está situada nunha torre pegada ao muro sur.
