Queres saber cales son os faros máis emblemáticos da Costa da Morte? Pois imos ser sinceros dende o principio do artigo: todos o son.
Así que imos a facer un percorrido por todos os faros deste territorio, destacando por diferentes motivos, aínda que todos con unha importancia capital.
Visitarémolos todos, do norte ao sur, polos faros do litoral da Costa da Morte. Case todos estes faros están unidos polo Camiño dos Faros, a excepción dos insulares e dous que se atopan máis ao sur.
Imos descubrir un por un estes salvavidas de luz, que evitan tantas tragedias no océano e inspiran a aqueles que temos o privilexio de velos dende terra.
Cantos faros son y para que serven
Son once os faros que gardan a Costa da Morte. Once luces que cada noite iluminan os puntos chave para evitar traxedias no mar e que tamén lle dan un pouco máis de maxia á terra.
Cada un dos faros emite unha sinal luminosa única. Ningunha é igual na mesma liña de costa. Por que? Porque así permite aos navegantes saber no que lugar exacto se atópan.
Grazas aos avances tecnolóxicos, os faros son moito menos importantes que antigamente. Non obstante, seguen sendo indispensables cando a tecnoloxía falla.
Faros da Costa da Morte
Como indicamos na sección anterior, son once os faros que protexen a Costa da Morte. Dous deles insulares, entre os que se atopa o máis septentrional.
Faro das Illas Sisargas
É un dos menos visitados por motivos obvios: está nunha illa. De todos os xeitos, pode ser visitado se collemos un bote en Malpica, concello ao que pertencen as Illas Sisargas.
Faro de Punta Nariga
Tamén está situado no Concello de Malpica de Bergantiños. É un dos faros máis modernos de Galicia, construído en 1995. Conta con 50 metros de altura e a súa construción aseméllase á dun barco. O contorno de Punta Nariga é idílico.
Faro do Roncudo
A dous quilómetros da aldea de Corme, Concello de Ponteceso, atoparemos o seguinte faro: o Faro do Roncudo. Debe o seu nome ao ronco estrondo do mar. A zona é espectacular, cunha posta de sol preciosa e unha fama especial polos seus percebes. En Corme celébrase a súa festa gastronómica unha vez ao ano, da que falamos neste outro artigo.
O faro, que funciona dende 1920, é pequeno e ten un xemelgo ao outro lado da ría.
Faro de Laxe
Xusto ao outro lado da ría, podemos ver o Faro de Laxe, o seu xemelgo. Tamén se atopa nun espazo natural privilexiado, coma todos os faros que forman esta lista.
Nesta zona tamén hai un merendeiro e unha escultura: A Espera. Esta obra representa a unha muller cun neno pequeno nos brazos mirando ao horizonte. Como esperando un barco que non vai volver. “A Espera” conta a historia de moitas mulleres na zona e é un homenaxe a todos os falecidos no mar.
Faro Vilán
No Concello de Camariñas, atoparás o Faro Vilán, un dos máis icónicos da Costa da Morte. É unha das zonas máis perigosas da Costa da Morte e onde tiveron lugar algúns dos peores naufragios. Este é o faro eléctrico máis antigo de España.
Actualmente, pódese visitar o seu museo. Nel difúndese a historia dos naufragios e dos faros da Costa da Morte. Tamén hai unha sala dedicada a exposicións temporais. A entrada é gratuita.
Faro da Praia do Lago
Este é un faro pequeniño (de menor orde para o tráfico mariño) que se atopa dentro da ría de Camariñas e Muxía. Na plena desembocadura do río Grande. Está nunha praia moi bonita con vistas aos dous pobos antes mencionados. Merece a pena unha visita.
Faro de Muxía
O Faro de Muxía non destaca pola súa beleza obxectiva, pero si pola da súa contorna. Tanto o salvaxe de Punta da Barca como o Santuario da Virxe da Barca que ten ao lado fan que a visita ao Faro mereza moito a pena. Sen esquecer as vistas. Impresionantes, como a cada paso.
Faro de Cabo Touriñán
Seguimos no Concello de Muxía e imos co seu terceiro faro: o Faro de Cabo Touriñán. Este é o punto máis occidental de España. Duas veces ao ano, pódese presenciar aquí o último atardecer de Europa continental. Maxia en cada atardecer na Costa da Morte.
Faro de Fisterra
A fin do mundo. Probablemente, un dos faros máis icónicos e máis visitados. Non só da Costa da Morte. Este é o fin do Camiño de Santiago. O fin do mundo. O fin de todo. Moitas son as lendas que precederon a este lugar e, certo é, que cando o visitas non che deixa indiferente.
Unha sirena e outro edificio para emitir sinais para a mariña de guerra completaban o conxunto arquitectónico. Actualmente, este último edificio é o Semáforo, para turismo rural. Si, podes durmir neste faro tan especial. E non é o único!
Faro Cee
Entrando na ría, no Concello de Corcubión, atoparás o Faro Cee, que data de 1860. Trátase dunha casita cun tellado a catro augas. A súa luz non só sinala os perigos da terra, senón tamén os que hai no medio da ría, que agora teñen as súas propias luces.
Faro das Illas Lobeiras e Carrumeiro
Outros dos faros menos visitados son os das Illas Lobeiras e o Carrumeiro, que precisa de barco para poder ser visto de cerca.
Son luces moi necesarias, xa que moitos foron os faros que históricamente entraron na ría de Corcubión, sentindo que o perigo quedaba no mar aberto. Pero nada máis lonxe da realidade, porque a ría alberga perigos secretos en forma de pedras.
Na Illa da Lobeira Grande, construíuse un edificio cun faro, que depende do de Fisterra.
E nunha rocha non lonxe das Illas Lobeiras, construíuse o Carrumeiro Chico. Este non leva o título de faro, senón de baliza.
Faro de Lariño
Continuando cara ao sur, chegamos ao último faro do territorio: o Faro de Lariño. Este é o outro faro no que poderás aloxarte, xa que actualmente é un hotel.
Percorrer os faros a pé
O Camiño dos Faros é unha ruta de sendeirismo que cubre 200 quilómetros de litoral. Nel, poderás visitar ao longo de varias etapas moitos dos faros recollidos neste artigo.
Xa estiveches nalgún destes faros? Tes pensado descubrilos na túa próxima visita á Costa da Morte? Se o fas, etiquétanos nas túas fotos de Instagram na conta @visitacostadamorte Aquí te esperamos!
